Khloé Kardashian thotë se dëshiron që ish-i i saj Tristan Thompson dhe nëna e fëmijës së tij të tretë, Maralee Nichols, të arrijnë një marrëveshje privatisht dhe t’i japin përparësi fëmijës së tyre të dyshuar nëse ai është babai, ka thënë një burim ekskluzivisht për “Life & Style”.
“Khloé shpreson që Tristan dhe Maralee t’i kuptojnë detyrat e tyre bashkëprindërore në mënyrë private nëse ai është babai,” thotë burimi i brendshëm.
“Ajo shpreson që ata ta bëjnë fëmijën e tyre [të supozuar] prioritet dhe që Tristan dhe Maralee të lënë mënjanë gjithçka tjetër dhe të përqendrohen në atë që është më e mira për djalin e tyre… Gjëja e fundit që Khloé dëshiron të bëjë është të shtojë më shumë benzinë në zjarr, në lidhje me të gjithë dramën që rrethon Tristanin dhe Maralee.”
Ndërkohë që ylli i “Keeping Up With the Kardashians”, nuk po përpiqet të përfshihet dhe po mundohet të këshillojë Tristanin ose Maralee, Khloé ndihet e lehtësuar nga deklarata e Maralee.
“Ajo shpreson që fjalët e Maralee të jenë të sinqerta sepse gjëja e fundit që dikush ka nevojë është që nëna të përhapë thashetheme ose të shpërndajë informacion të paqenë,” shton burimi.
Nichols dha një deklaratë të gjatë për “Us Weekly” në lidhje me këtë çështje, duke këmbëngulur se ajo synonte ta mbante shtatzëninë e saj sa më “private dhe sa më paqësore që të ishte e mundur”. Ajo shpjegoi gjithashtu se si ajo dhe lojtari i NBA, u takuan, por nuk ishte në dijeni se ai ishte në një lidhje me Kardashian në atë kohë.
