Kreu i Partisë Demokratike, Lulzim Basha nuk e njeh referendumin e zhvilluar sot për shkarkimin e tij. Në një deklaratë për mediat jashtë selisë blu, Basha tha se do të qëndrojnë në shtëpinë e demokratëve. Ai ka thënë se sot PD ka pasur vetëm një aktivitet dhe ai ka qenë Kuvendi Kombëtar.
I pyetur nga gazetarët se çdo të ndodhë nëse ish-kryeministri Berisha dhe grupi i Rithemelimit mund të vijnë në seli për të lexuar rezultatet e referendumit, Basha këmbëngul se nuk ka pasur një të tillë sot.
“Nuk ka referendum, ka një PD dhe një Kuvend që sapo mori një vendim sot. Ka disa anëtarë të PD që i bëj thirrje të bashkohen vendimeve të institucioneve të PD. Partia Demokratike ka pasur një aktivitet sot, ka qenë Kuvendi i PD. Ka një PD, që ka pasur një kuvend Kombëtar, të tjerat janë përpjekje personale të një njeriu që do ti kthejë demokratët në mish për top. Ai ka vendosur interesat e tij mbi ato të demokratëve, kjo mori fund sot”, tha Basha.
