Aktori Ben Affleck ka reaguar së fundmi ndaj kritikave që mori pas komentit për ish bashkëshorten , Jennifer Garner.
I ftuar në emisionin "The Howard Stern Show" , Ben foli për varësinë e tij nga alkoli dhe sesi kishte ndikuar në martesën e tij me Jennifer. Por, shumë njerëz i interpretuan komentet e tij si fajësim për ish-bashkëshorten. “Ne ndoshta do të kishim përfunduar duke i vënë duart në fyt njëri-tjetrit. Ndoshta do të kisha pirë ende. Një nga arsyet pse nisa të pija ishte sepse ndihesha sikur kisha ngecur diku,” u shpreh aktori. Mirëpo, gjatë një interviste në "Jimmy Kimmel Live", Affleck deklaroi se komentet ishin pjesë e një interviste të përzemërt dhe të dy e respektojnë njëri-tjetrin dhe kujdesen për tre fëmijët e tyre.Sipas tij, mediat duan klikime dhe e bënë të duket si “djali i keq, i pandjeshëm, budalla dhe i tmerrshëm”."Është pikërisht e kundërta e asaj që jam unë," tha ai. "Unë kurrë nuk do të doja që fëmijët e mi të besonin se do të thoja një fjalë të keqe për nënën e tyre.”
