Ish-ministri Lefter Koka është lënë në burg me vendim të Gjykatës së Posacme. Koka u arrestua këtë të martë, i akuzuar për veprat penale: “Korrupsion”, “Shpërdorim detyre” dhe “Pastrim parash”, lidhur me aferën e inceneratorëve. Avokati i Kokës, Fatmir Braka ka deklaruar përpara mediave se vendimi i marrë është politik dhe i padrejtë pasi Koka është i pafajshëm.
“Lefter Koka mbajti atë qëndrim që i përgjigjet të vërtetës. Që është krejtësisht i pafajshëm. Ai akuzohet për shpërdorim detyre dhe konfirmoi edhe njëherë se nuk ka asnjë përgjegjësi për procedurat. Nuk u fol për përgjegjësitë e të tjerëve. Të gjithë në këtë proces të impiantit të Elbasanit nuk ka përgjegjësi, nuk aludon dhe as mendon se ka përgjegjësi të ndonjë tjetri. Gjithë procedurat që paraqitet sot është që nuk ka asnjë përgjegjësi”, tha ai.
