Ministrja e Shëndetësisë dhe Mbrojtjes Sociale dhe ministrja e Financave dhe Ekonomisë kanë treguar edhe vendimet e fundit të miratuara nga Këshilli i Ministrave. Në një dalje për mediat ato kanë bërë të ditur se qeveria ka miratuar nja paketë solidariteti për fundvitin, pra një shpërblim për disa kategori.
“Sot qeveria ka marrë një vendim të rëndësishëm, për paketën e solidaritetit të fundvitit që mbështet kategoritë e veçanta dhe shpërblimi i fundvitit për familjet me ndihmë ekonomike do të përfitojnë nga paketa e solidaritetit, 72 mijë individë me aftësi të kufizuara dhe pjesë e paketës së solidaritetit janë pensionistët. Fondi që qeveria ka vënë në dispozicion është 4 milionë dollarë pa përfshirë pensionistët”,-tha Manastirliu.
Ndërsa ministrja e Financave ka bërë me dije se sot është miratuar projektvendimin për shpërblimet e fundvitit për 668 mijë pensionistë që përfitojnë nga paketa e miratuar sot, që arrin në vlerën 3.5 miliardë lekësh vetëm për pensionistët. Në 2022 bonusi i funvitit nuk do të jetë më i diskutueshëm por do të jetë i alokueshëm përherë. Ministret bënë me dije se kategoritë që do të përfitojnë nga kjo paketë do të jenë; familjet në nevojë, pensionistët dhe personat me aftësi të kufizuar.
