Kur në selinë blu përplasen dy kampet e demokratëve, nga njëra anë ata që mbështesin ish-kryeministrin Sali Berisha dhe nga një anë kryeopozitari Lulzim Basha, i cili po zhvillon një takim për raportimin e Grupit të Punës për zgjedhjet në FRPD, deputetja e Partisë Demokratike Flutura Açka ka postuar një mesazh. Açka u është përgjigjur komenteve të Grupit të Rithemelimit në lidhje me njerëz të armatosur brenda në selinë e PD-së.
Ajo ka publikuar një foto brenda mbledhjes që po zhvillojnë me Bashë, ku shfaqet së bashku me deputetët Ina Zhupa, Flamur Hoxha si dhe Orjola Pampuri.
“Armët tona janë fjalët dhe zemrat demokrate. Me Inën, Flamurin dhe Orjolën”, shkruan Açka.
