Një ditë pas ekzekutimit të biznesmenit Rakip Roli në Kurbin, policia ka arritur të prangosë tre autoret e dyshuar të ngjarjes. Mësohet se të arrestuarit janë babë e bir Skënder dhe Llej Lika si dhe Klaudio Beleshi. Ata janë prangosur në zonën e Fushë Milotit nga forcat policisë të Komisariatit të Kurbinit. Nga blutë mësohet gjithashtu policia ka gjetur dhe sekuestruar dhe armen automatike me të cilën dyshohet se është kryer krimi si dhe automjetin me të cilin kanë lëvizur autorët. Në njoftimin e saj policia bën me dije se atentati ka ndodhur për motive të dobeta.
Rakip Roli ishte një biznesmen materialesh ndërtimi në zonën e Sanxhakut. Ai u ekzekutua me armë zjarri këtë të premte (10 dhjetor 2021) , pak metra larg banesës së tij. Ngjarja ndodhi në ora 08:45, në dalje të qytetit të Laçit. Roli është qëlluar disa herë me armë zjarri dhe si pasojë e plagëve të marra ka ndërruar jetë në vend. Viktima po udhëtonte me automjetin e tij tip “Audi” ku dy persona i kanë ndërprerë rrugën dhe e kanë qëlluar me breshëri automatiku, ndërsa makina ka devijuar në kanalin kullues anash rrugës.
