Pasi ka mbajtur fjalën e tij për çeljen e Kuvendit Kombëtar dhe votoi për shkarkimin e kryetarit aktual të Partisë Demokratike, deputeti Edi Paloka ka folur për mediat. Paloka u shpreh se Kuvendi i mori sot vendimet e tij dhe se të gjithë kanë detyrimin për t’i zbatuar ato. Deputeti gjithashtu deklaroi se nuk do të marrin asgjë me dhunë.
“Nëse në selinë e PD kanë frikë nga demokratët, ky është fundi pastaj, ne nuk marrim asgjë me dhunë, nuk ka nevojë. Kuvendi i mori vendimet e tij, të gjithë kanë detyrimin t’i zbatojnë. Kuvendin do ta njohin patjetër”, tha ai.
