Pas përfundimit të takimit të tij 60 minuta me kreun e Partisë Demokratike, Zëvendës Ndihmës Sekretari i Shtetit për Çështjet Europiane dhe Euroaziatike, Gabriel Escobar ka ftuar Lulzim Bashën në Ëashington. Në përgjigje të kësaj ftese kryedemokrati ka deklaruar i kënaqur se po e planifikon një vizitë në SHBA.
"Është një ftesë e përsëritur dhe po planifikoj një vizitë në Uashington, në mënyrë që të shtyjmë përpara objektivat e PD, por edhe daljen nga kjo gjendje dëshpërimi, plogështie që ka shkaktuar 25 prilli, dhe ecjen e Shqipërisë përpara me reforma, zgjedhje të lira e të ndershme", tha Basha.
