Prokuroria e Posaçme ka kërkuar pafajësi për kryebashkiakun Erion Veliaj në procesin ku ai është paditur për “shpifje” nga deputetja e PD-së, Grida Duma. Sipas prokurorit Behar Dibra, kryebashkiaku nuk ka kryer vepër penale. SPAK thotë nuk ka konsumuar elementët e veprës penale të shpifjes. Padia për “shpifje”, e bërë nga deputetja e Partisë Demokratike, ka lidhje me deklaratat e Veliajt, i cili e ka cilësuar deputeten si trafikante apartamentesh dhe të dënuar për “mashtrim”. Këto deklarata, kryetari i Bashkisë Tiranë, i ka bërë pas akuzave të ngritura nga Partia Demokratike ndaj tij për lidhje me mafien italiane.
Gjykata tërhiqet për vendimin përfundimtar, i cili do të shpallet më 13 dhjetor, ora 15:30.
