Policia ka vënë në pranga një 22-vjeçar, i cili në bashkëpunim me një shtetas tjetër kanë tentuar të grabisin një banesë në fshatin Zejmen, në Lezhë. Bashkëpunëtori i 22-vjeçarit, shtetasi me inicialet A.Zh., ishte arrestuar në flagrancë nga policia ndërsa i riu ishte në kërkim. Dy të lartpërmendurit, kanë tentuar të grabisin banesën e shtetasit Z.Th., më datë 09.11.2021, në Zejmen Lezhë.
Sipas uniformave blu, 22-vjeçari me inicialet E.H., dyshohet të ketë pësuar dëmtime, ditën e ngjarjes, gjatë kohës që është larguar nga banesa e shtetasit Z. Th. Mësohet se ai është paraqitur në Spitalin Rajonal Lezhë, për mjekim, dhe ka pasi ka dyshuar që është vënë në dijeni Policia, është larguar, por është bërë i mundur ndalimi i tij pranë një spitali privat në Tiranë.
Materialet hetimore do t’i referohen Prokurorisë së Rrethit Gjyqësor Lezhë, për veprën penale “Vjedhja, mbetur në tentativë”, e kryer në bashkëpunim.
