Aktori i njohur Ben Affleck ka folur së fundmi për rikthimin e tij me këngëtaren Jennifer Lopez.
Në një intervistë për 'Wall Street Journal', Ben tregoi se ndihej me shumë fat që u ribashkua me gruan me të cilën kishte shpresuar më parë të martohej."Mund të them se është padyshim e bukur për mua. E dini, një nga gjërat që unë vërtet vlerësoj në të gjitha aspektet e jetës sime tani është se u trajtua në një mënyrë që e pasqyronte atë.Është një histori e mirë. Është një histori e madhe. Ju e dini, ndoshta një ditë do ta tregoj. Do t’i shkruaj të gjitha.Unë jam shumë me fat në jetën time që kam përfituar nga shanset e dyta dhe jam i vetëdijshëm që njerëzit e tjerë nuk i marrin as shanset e para", u shpreh aktori. Affleck u fejua me Jennifer në vitin 2002 dhe u ndanë pas dy vitesh së bashku.Më pas ai u martua në 2005 me aktoren e njohur, Jennifer Garner dhe u divorcuan në 2018. Dyshja kanë tre fëmijë së bashku: dy vajzat Violet, Seraphina dhe një djalë, Samuel.
