Policia e Fierit ka informuar se ka marrë flakë dhe është djegur shtëpia e Klodian Çalamanit, autorit të vrasjes së djalit 8-vjeçar, Mateo Vasiut. Sipas bluve, banesa është djegur pjesërisht, teksa po hetohet për përcaktimin e shkaqeve të rënies së zjarrit.
“Në fshatin Greçalli, fier, ka marrë flakë dhe është djegur pjesërisht banesa e shtetasit K.Ç., 39 vjeç. Grupi hetimor po punon për përcaktimin e shkaqeve të rënies së zjarrit”, -njofton policia.
Kujtojmë se në oborrin e kësaj banese u gjet i groposur dhe i mbuluar me baltë trupi i pajetë i 8-vjeçarit, Mateo Vasiu, i cili u vra nga 39-vjeçari Klodian Çalamani. Ky i fundit jetonte i vetëm në banesën që kishte vetëm një dhomë. 39-vjeçari jetonte në kushte të këqija dhe herë pas herë ndihmohej edhe nga familjarët e 8-vjeçarit. Banesa e Klodian Çalamanit ndodhet shumë pranë banesës ku jetonte me familjen e tij Mateo i vogël, i cili u vra nga 39-vjeçari 10 ditë më parë.
