Nga tragjedia, e cila ndodhi në Bullgari, kanë mbetur të vdekur edhe 6 nxënës të shkollës fillore “Ismail Qemali”. Ata ishin në udhëtim me familjarët e tyre. Media maqedonase 'Alsat' njofton se ditën e sotme, shkolla fillore “Ismail Qemali” ka ndërprerë mësimin, për shkak të tragjedisë së rëndë.
Të paktën 45 persona humbën jetën pasi një autobus i Maqedonisë së Veriut u përfshi në flakë në një autostradë në Bullgari.Ngjarja ndodhi rreth orës 02:00 me orën lokale, pranë fshatit Bosnek, në jug-perëndim të kryeqytetit Sofje. Shkaku i përplasjes dhe zjarrit po hetohet. Një problem teknik ose gabim njerëzor i shoferit, janë dy pistat ku po hetojnë autoritetet bullgare.
