Efektivi i repartit RENEA, Xhulio Liçi, i cili u arrestua pasi në mjetin e tij u gjet 1 kilogramë kokainë, është shpallur i pafajshëm. Ai ka marrë pafajësinë për akuzën e “Prodhimit dhe shitjes së lëndëve narkotike”. Liçi u arrestua në Maj të këtij viti bashkë me dy persona të tjerë: Ded Nimani dhe Luan Gaçi. Për këtë sasi droge është dënuar vetëm shtetasi Ded Nimani me 4 vite e 8 muaj burg me gjykim të shkurtuar.
Nimani ka dëshmuar se asnjëri prej personave që ndodheshin në automjet më të nuk kishte dijeni për drogën dhe çdo gjë ishte e tij. Në këto kushte, por edhe në mungesë të provave, Prokuroria liroi nga akuzat për drogë efektivin e RENEA-s dhe shtetasin Luan Gaçi.
