Dwayne Johnson është ende duke shkëlqyer pas debutimit të madh të ‘Red Notice’ në ‘Netflix’. Megjithëse platforma e ‘Netflix’ nuk i bën publike numrat zyrtarë të shikueshmërisë, platforma e transmetimit njoftoi se filmi i ri aksion kishte ditën më të madhe të hapjes pasi debutoi më 5 nëntor.
‘Red Notice’ thyen rekordet e ditës së hapjes për NETFLIX në të gjithë botën. Me një rezultat të jashtëzakonshëm audience me 92%! Ryan Reynolds reagoi ndaj lajmit me një shaka e lidhur edhe me Taylor Swift në Instagram
Përveç kësaj, Gal Gadot shkroi: Kjo është e mahnitshme! Çfarë mund të them, ju djema jeni më të mirët dhe arsyeja pse ne i bëjmë këta filma. Shumë mirënjohëse dhe emocionuese! Urime @Netflix dhe të gjithë ekipit të #RedNotice.
Në gusht, presidenti i prodhimit të ‘Seven Bucks Productions’, Hiram Garcia, i cili është edhe producent i filmit, bëri një ngacmim të vogël se ‘Red Notice’ është filmi më i madh që ka bërë ndonjëherë Netflix. Red Notice është një film kaq argëtues! Është filmi më i madh që ka bërë ndonjëherë ‘Netflix’ dhe ata ishin partnerë të jashtëzakonshëm duke u siguruar që ne kishim gjithçka që na nevojitej për të përfunduar filmin në mes të një pandemie.
Dhe pavarësisht të gjitha atyre sfidave që erdhën në mes të pandemisë, Garcia tha se ata janë shumë të lumtur me mënyrën se si filmi u bashkua, kryesisht falë kastit të tij të suksesshëm. Gal, Ryan dhe DJ kanë një kimi kaq të mrekullueshme dhe duken të mirë së bashku. Thjesht nuk mund të ngopesh prej tyre. Plus, filmi ka një atmosferë të pakonkurrueshme, me DJ që është një profilues i FBI-së që ndjek hajdutët më të kërkuar të artit në botë. ‘Red Notice’ tani po transmetohet në Netflix.
