Britney Spears sulmoi ikonën e popit Christina Aguilera në Instagram të premten, duke e barazuar heshtjen e saj në luftën për kujdestarinë e Spears njësoj me gënjeshtrën.
“I dua dhe i adhuroj të gjithë ata që më kanë mbështetur… por të refuzosh të flasësh kur e di të vërtetën, është e barabartë me një gënjeshtër”, -shkroi Spears mbi një video të Aguilerës duke u intervistuar në Latin Grammy Awards të enjten, ku performoi "Genie in a Bottle".
“13 vite duke qenë në një sistem abuziv të korruptuar, por pse është një temë kaq e vështirë për njerëzit për të folur?” vazhdoi ajo. “Unë jam ajo që e kalova! Të gjithë mbështetësit që folën dhe më mbështetën faleminderit… Po, kam rëndësi!”
Aguilera u pyet nga gazetarët e tapetit të kuq nëse ajo kishte ndonjë komunikim me Spears, nisur nga ngjarjet e fundit në lidhje me kujdestarinë e saj. Por përfaqësuesi i këngëtares, Brett Ruttenberg, i pranishëm në tapet me të, e ndërpreu gazetarin me fjalët:
"Jo, më vjen keq, nuk do të flasim për këtë sonte. Faleminderit, megjithatë! Mirupafshim!"
Njëkohësisht, Aguilera dukshëm e lëkundur tha:
"Nuk mundem", përpara se të shtonte, "por jam e lumtur për të!"
Aguilera ka dalë më parë në mbështetje të përpjekjeve të Spears për t'u çliruar nga konservatori gati 14-vjeçar që kontrollonte pothuajse të gjithë jetën e saj.
“Është e papranueshme që çdo grua apo njeri, që dëshiron të ketë në dorë fatin e vet, mund të mos lejohet të jetojë jetën ashtu siç dëshiron”, tha ajo në një deklaratë në qershor.
Përpjekjet ligjore të Spears përfunduan me heqjen e konservatorit më 12 nëntor. Që atëherë, ajo është bërë gjithnjë e më e zëshme në dënimin e atyre që i konsideronte si bashkëpunëtorë në marrëveshje, duke thënë se familja e saj "duhet të jetë në burg".
Në ndryshim nga Aguilera, Lady Gaga e quajti Spears "frymëzim", duke thënë se ajo është "autore e lirisë së saj" në një intervistë në tapetin e kuq për filmin e ri të saj, "House of Gucci.”
“Faleminderit @LadyGaga që me të vërtetë gjete kohën për të thënë diçka kaq të sjellshme,” shkroi Spears. "Më bëre të qaj! Të dua!"
https://www.youtube.com/watch?v=W3a4PBL-xV8
https://www.youtube.com/watch?v=-oua7VVV8SY
