Kendall Jenner ishte e ftuar në dasmën e shoqes së saj Lauren Perez në Miami të enjten dhe zgjodhi të vishte një fustan të guximshëm, që jo shumë njerëz do ta zgjidhnin për një dasmë.
Modelja 26-vjeçare ndau foto të pamjes së saj në Instagram Stories, duke pozuar në pasqyrë me të ftuara të tjera të famshme, si mikesha e saj Hailey Bieber.
Fustani seksi nga Mônot, shfaqte pjesë të trupit nga prerjet trekëndore në gjoks dhe bark.
Edhe pse Jenner e veshi fustanin e guximshëm vetëm pasi u ndërrua për pritjen, pasi kishte fillimisht fustanin e shoqërueses së nuses blu prej mëndafshi, përdoruesit e Twitter-it nuk ishin aspak dakord me pamjen.
"@KendallJenner më mirë të vish në dasmën time me një fustan nusërie sesa me këtë", -shkroi një përdorues.
"Imagjinoni Kendall Jenner të veshur kështu në dasmën tuaj,” -shtoi një tjetër.
Ndërsa ylli përmbysi rregullat me veshjen e saj në dasmë, Perez, një ndikuese e mediave sociale, zgjodhi një pamje klasike nusërie, duke veshur një fustan të bardhë pa rripa për martesën me David Waltzer.
Ndërkohë, Hailey Bieber shkoi me një fustan metalik pa rripa Magda Butrym dhe një palë vathë Tiffany & Co.
