Enkelejd Joti është zgjedhur drejtori i ri i Radio Televizionit Shqiptar. Me anë të një votimi të fshehtë, Joti mori shumicën e cilësuar të votave nga të gjithë anëtarët e Këshillit Drejtues. Ky vendim erdhi pasi më herët u dëgjuan në séancë publike katër kandidatët që ishin paraqitur si pretendente për këtë detyrë publike. Kandidatët në garë: Enkelejdi Joti, Iris Luarasi, Mimoza Haxhiaj dhe Laureta Roshi, paraqiten para anëtarëve të Këshillit Drejtues në mënyrë të detajur platformat e tyre dhe më pas u krye procedura e votimit.
Më herët Enkelejd Joti ka mbajtur pozicionin e drejtorit të përgjithshëm i televizionit Top Channel për 10 vite. Më pas ai u emërua nëndrejtor i përgjithshëm pranë RTSH-së dhe së fundmi mbante pozicionin e Drejtorit të Përgjithshëm të Qendrës Spitalore Universitare Tiranë.
