Sali Berisha ka hedhur poshtë çdo përpjekje të Lulzi Bashës për të marrë nën kontroll procesin e nisur nga 4200 firmat e marra prej tij. Berisha ka organizuar një konferencë urgjente për shtyp për të thënë se vendimi i kryetarit aktual është nul dhe një përpjekje për diversion për të penguar një kongres që ai nuk donte ta mblidhte kurrë.
"Basha dhe Rama duan ti vjedhin axhendën kongresit" tha ai duke e ftuar Bashën: "je i ftuar të vish në kuvendin e partisë, por kushdo që huyn hyn në atë sallë futet si anëtar i barabartë me të tjerët, pasi ky është një kuvend i mbledhur nga anëtarësia".
Lexo me tej:
Basha shpall nismën/ Tani ka dy PD, secila me kuvendin e vet të dhjetorit
Berisha vazhdoi: "Dua të garantoj firmëtarët e këtij misioni historik se nuk do ketë forcë që mund të përkëmbë firmat e tyre dhe kuvendi do të shpallet në datën e shpallur prej tyre. Ai do të mblidhet jo sipas renditë të ditës së peng kryetarit por sipas axhendës që kanë nënshkruar ata.
Pra Berisha nuk duket i gatshëm asnjë kompromis dhe ai do të vazhdojë pa lëkundje atë që e quajti "rrevolucioni paqësor" i demokratëve. Me sa u kuptua nga konferenca për shtyp halli i tij, më shumë sesa me datën është i lidhur me axhendën e Kuvendit Kombëtar për të mos ia lënë atë në dorë kryesisë zyrtare e cila ka për qëllim të shkarkojë Bashën nga një shkarkim i mundshëm.
©Lapsi.al
