Një gjykatës ka miratuar përfundimin e kujdestarisë të Britney Spears, duke e çliruar yllin e popit nga rregullimi i diskutueshëm ligjor që ka kontrolluar jetën e saj për gati 14 vjet.
Vendimi shënon një fitore të jashtëzakonshme për këngëtaren që kishte luftuar për vite të tëra për të rifituar pavarësinë e saj nga gjykatat, të cilat në vitin 2008 i hoqën të drejtat për të marrë vendime themelore për financat, karrierën dhe jetën personale.
Vendimi i së premtes për të shpërbërë kujdestarinë, do të thotë se Spears do të rimarrë kontrollin e pasurisë së saj dhe nuk do t’i kërkohet më të paguajë një ekip profesionistësh dhe avokatësh për të mbikëqyrur punët e saj.
“Kujdesi i personit dhe i pasurisë së Britney Jean Spears ndërpritet”, tha gjyqtarja e Los Anxhelosit Brenda Penny, duke shpallur vendimin. Ajo tha se John Zabel, një kontabilist i përfshirë në anën financiare të konservatorit, do të vazhdojë përkohësisht në një rol të kufizuar duke trajtuar disa çështje administrative, duke përfshirë transferimin e aseteve dhe planifikimin e pasurive.
Një turmë fansash hodhën konfeti dhe shpërthyen në thirrjet “Britney është e lirë!” pas vendimit të gjykatësit, me mbështetësit që këndonin këngën e yllit të popit Stronger të gjithë bashkë.
“Muzika e saj më ka ndihmuar të kaloj disa nga periudhat më të vështira të jetës sime”, tha Vanessa Rundlett, e cila udhëtoi nga Rhode Island për në seancën dëgjimore dhe nuk i mbajti dot lotët kur lajmi për përfundimin e kujdestarisë arriti te turma jashtë gjykatës. “Ajo është një shtyllë e forcës. Ajo ka qenë një luftëtare gjatë gjithë kësaj që ka ndodhur dhe nuk e ka humbur besimin e saj.”
Spears shkroi në Twitter pas vendimit:
“Zot i madh, i dua shumë fansat e mi… Dita më e mirë ndonjëherë”.
Ajo ndau një video të festës jashtë gjykatës, duke përdorur hashtag-un #FreedBritney.
