Adele duket se ka gjetur lumturinë e vërtetë pas divorcit nga ish-bashkëshorti Simon Konecki. Këngëtarja tha se me agjentin sportiv Rich Paul, është marrëdhënia më "e pabesueshme, me zemër të hapur dhe më e lehtë" në të cilën ajo ka qenë ndonjëherë.
“E kam pasur gjithmonë këtë frikë, që në moshë shumë të re, se do të më lënë, kështu që unë ose do të largohem ose nuk do të investoj në asgjë,” tha ajo.
Por Adele zbuloi se me Paul, ajo "nuk ka më frikë nga vetmia".
Ajo filloi të takohej me Paul gjatë verës, pasi paraqiti kërkesën për divorc nga Konecki në vitin 2019. Adele dhe Konecki, të cilët ishin bashkë që nga viti 2011, finalizuan divorcin e tyre në mars.
Megjithatë, Adele pranoi se ajo dhe Konecki kanë ruajtur miqësinë, ndërsa vazhdojnë të bashkëprindërojnë për djalin e tyre 9-vjeçar, Angelo. Ajo tha për Rolling Stone se thjesht e humbi veten në martesë dhe nuk i pëlqente më ajo që ishte.
Ajo shtoi se divorci nga Konecki ishte i vështirë për të, pavarësisht se e dinte se ishte vendimi i duhur.
"Më trishtoi shumë," tha ajo. “Ta dija se kaq shumë njerëz që nuk i njihja, e dinin që nuk ia dola … më shkatërroi. U turpërova. Askush nuk më bëri të ndihem e turpëruar, por ndihesh sikur nuk ke bërë një punë të mirë.”
Ndërsa iu përkushtua karrierës pas divorcit, Adele takoi dashurinë e jetës së saj, Paul, në pistën e vallëzimit gjatë festës së ditëlindjes së një miku të përbashkët.
