Pesë persona janë arrestuar nga policia ndërsa tre të tjerë janë shpallur në kërkim nën akuzën e falsifikimit të testeve COVID-19 për të kaluar drejt vendeve të BE-së. Të arrestuar për veprat penale dhënie ndihmë për kalim të paligjshëm të kufirit dhe falsifikim të dokumenteve; B. Gj. 54 vjeç, M. S. 40 vjeçe, I. K. 24 vjeç, K. P. 23 vjeç dhe B. K. 36 vjeç. Policia po ashtu njofton se janë shpallur në kërkim për dhënie ndihme për kalim të paligjshëm të kufirit: I. D. 40 vjeç, O. Sh. 38 vjeç dhe A. E. 23 vjeç. Këto persona janë kapur në flagrancë në mjetin fugon i cili drejtohej nga shtetasi B. Gj, në pikën kufitare të Morinës me analiza laboratorike të cilat dyshohen se janë të falsifikuara me qëllim kalimin për në Kosovë dhe më pas me destinacion vendet e BE-së.
Ndërkohë shtetasit: B. Gj, I. D, O. Sh, A. E dhe B. K, dyshohet se kanë dhënë ndihmë për kalim të paligjshëm të kufirit. Shtetasi B. K ka kryer dhe falsifikimin e analizave të laboratorike të PCR-së, duke i bërë në një pikë interneti. Materialet i kaluan Prokurorisë së Rrethit Gjyqësor Tiranë, për veprime të mëtejshme.
