Mediat e huaja kanë raportuar se Princ Harry do të marrë pjesë javën e ardhshme në një gala në bordin e një luftanijeje në Nju Jork për të vlerësuar pesë heronjtë e luftës me medalje.
Por, pavarësisht se ai ka shërbyer dy herë në Afganistan, Princi nuk do të jetë në gjendje të veshë uniformën e tij ushtarake për shkak të heqjes së titujve të nderit. Harry humbi titujt e tij pasi ai dhe Meghan Markle njoftuan në mars të vitit të kaluar se do të largoheshin nga familja mbretërore. Tashmë, cifti jeton në një rezidencë në Montecito, në Santa Barbara të Kalifornisë, me fëmijët e tyre Archie dhe Lilibet.
