Biznesmeni i inerteve në Kamëz Ruzhdi Hoxha, i cili prej dy javësh ishte shpallur i zhdukur nga familjarët e tij, është gjetur i vrarë me armë zjarri në zonën e Qafë Mollës në Dajt. Në këtë zonë policia bashkë me qentë e gjurmës gjeti në Qafë-Mollë, në një greminë, trupin e pajetë të Ruzhdi Hoxhës, të mbuluar me zhavorr e gurë.
[video width="640" height="352" mp4="https://cdnimpuls.com/lapsi.al/wp-content/uploads/2021/11/WhatsApp-Video-2021-11-06-at-2.28.11-PM.mp4"][/video]
Fillimisht policia ka gjetur një xhup, i cili ka një shenjë plumbi dhe disa sende të lyera më gjak që i përkisnin biznesmenit, dhe më pas përmes nuhatjes së qeneve u arrit të gjendjet dhe trupi i pajetë i tij në Qafë Mollë të Dajtit. Trupi i pajetë do transportohet në morgun e spitalit për kryerjen e ekspertizës mjeko-ligjore. Policia ka ngritur dyshime të forta këtë të shtunë se autor i vrasjes së biznesmenit Ruzhdi Hoxha është shtetasi Ferdinant Rrushi.
Ferdinant Rrushi ishte personi i fundit që kishte takuar Rruxhdi Hoxhën në një bar kafe në qytetin e Kamzës. Rrushi para hetuesve ka pranuar se ka qenë në një kafe me të dhe mikun tjetër. Pas kafes, Rrushi thotë se Ruzhdiu i ka kërkuar që ta dërgonte me makinën e tij deri në Fushë Mëzez, për arsye ende të pa qarta. Sipas tij e ka dërguar atje dhe më pas është larguar.
Por në të vërtetë, nga këqyrja e kamerave të sigurisë, rezulton se automjeti sapo u largua nga një degëzim i autostradës në afërsi të një lokali, ka vijuar udhëtimin drejt Dajtit. Ishte pikërisht ndjekja e këtij itinerari që ka çuar në zbulimin e gjurmëve të Rruzhdi Hoxhës. Gjatë hetimit në zonën e Dajtit, policia ka zbuluar edhe një parcelë me drogë. Punëtori i parcelës ka pranuar para policisë se ai punonte për Ferdinant Rrushin.
Nën drejtimin e Prokurorisë po vijojnë veprimet hetimore për dokumentimin e plotë ligjore të kësaj ngjarje dhe të kryerjes se procedurave ligjore për ndalimin e autorit të kësaj ngjarje.
