Një 53-vjeçar është arrestuar këtë të enjte pasi ka kryer mardhënie seksuale me dhunë me një 16-vjeçare. Policia bën me dije se K. H. ka abuzuar seksulisht me të miturën në periudha të ndryshme kohore. Vajza ndodhet në spital, për të marrë ndihmën mjekësore dhe për ekzaminimet e mëtejshme.
“Specialistët e Seksionit të Hetimit të Krimit në Komisariatin e Policisë Gjirokastër ndaluan shtetasin K. H., 53 vjeç, banues në Libohovë, pasi dyshohet se në periudha të ndryshme kohore ka kryer marrëdhënie seksuale me dhunë me një shtetase të mitur, 16 vjeçe, e cila ndodhet në spital, për të marrë ndihmën mjekësore dhe për ekzaminimet e mëtejshme.
Materialet në ngarkim të shtetasit të mësipërm u referuan në Prokurorisë pranë Gjykatës së Shkallës së Parë Gjirokastër, për veprën penale “Marrëdhënie seksuale ose homoseksuale më dhunë me të mitur të moshës 14-18 vjeç”, njofton policia.
