Së fundmi, këngëtarja e njohur ,Lady Gaga ka pozuar për revistën “British Vogue” dhe ka folur për filmin e saj të ri “House of Gucci”.
Në intervistë, Lady ka rrëfyer se ka përjetuar disa vështirësi psikologjike gjatë xhirimeve të filmit.“Kam pasur disa vështirësi psikologjike gjatë përfundimit të filmit. Unë jetoja dhe flisja si Reggiani në dhomën time të hotelit. Unë jetoja dhe flisja si ajo në xhirime. Mbaj mend që një ditë shkova për shëtitje në Itali me një kapele. Kisha rreth dy muaj që nuk ecja fare dhe më zinte paniku. Mendova se isha në xhirimet e filmit.Kam tre vjet që kam filluar të punoj për rolin. Unë do të jem e sinqertë dhe transparente. Kam jetuar si Reggiani për një vit e gjysmë. Kam folur me theks për nëntë muaj. Nuk e kam ndalur kurrë këtë gjë edhe kur kamerat janë fikur”, u shpreh këngëtarja. Filmi pritet të publikohet më 24 nëntor dhe do të flasë për martesën e Patrizia Reggiani me Maurizio Gucci-n.
