Ndihmës regjisori, i cili i dha Alec Baldwin një armë me një plumb të vërtetë, ka folur për herë të parë publikisht për vdekjen aksidentale të Halyna Hutchins.
Në një deklaratë për New York Post, Dave Halls nuk dha detaje mbi incidentin në New Mexico, por u shpreh se ishte i tronditur dhe nga vdekja e saj.“Halina Hutchins nuk ishte vetëm një nga njerëzit më të talentuar me të cilët kam punuar, por edhe një shoqe”, tha Halls. “Jam i tronditur dhe i pikëlluar nga vdekja e saj. Shpresoj se kjo tragjedi do ta shtyjë industrinë të rivlerësojë vlerat dhe praktikat e saj për të siguruar që askush të mos lëndohet përsëri përmes procesit krijues”, deklaroi ai. Sipas dokumenteve të gjykatës, Halls i tha Baldwin-it se arma ishte e sigurt kur ia dorëzoi gjatë provave. PAutoritetet e qarkut Santa Fe po hetojnë ngjarjen dhe prokurori përgjegjës për çështjen nuk e ka përjashtuar ndjekjen penale.
