Aktorja Semra Dinçer, e cila ka qenë pjesë e shumë serialeve të ndjekura në Turqi, si ‘Kuzey Güney’, ‘Nusja nga Stambolli’ etj., është ndarë nga jeta në moshën 56-vjeçare. Lajmi është bërë publik nga këngëtari Haluk Levent, i cili ka shprehur ngushëllime për familjen dhe për të gjithë fansat e aktores. Semra Dinçer, prej dy vjetësh vuante nga kanceri në mushkëri, betejën me të cilin nuk e fitoi dot. Levent, në njoftimin e tij publik, shkroi mes të tjerave:
"Ishte kancer në mushkëri. Prej 2 vitesh… u kryen operacione të shumta.
Por nuk ndodhi. Sapo humbëm aktoren tonë Semra Dinçer. Ngushëllime fansave te saj!” Në deklaratën e bërë publike nga Sindikata e Aktorëve, shkruhet: "Jemi të pikëlluar për humbjen e anëtares sonë themeluese, koleges sonë të nderuar Semra Dinçer. U urojmë durim të gjithë fansave të saj, veçanërisht familjes. Jemi shumë të trishtuar. Ngushëllimet tona".
