Detaje të reja kanë dalë pas ekzekutimit të ish-policit, Xhelal Reçi mëngjesin e sotëm në qytetin e Laçit. Pista kryesore që autoritetet po hetojnë për momentin është se Xhelal Reçi është ekzekutuar për shkak të të birit, Besnikut. Autoritet po ashtu po krijojnë lidhjet me atentatin e dështuar për eliminimin e tij fizik të një viti më parë. Mësohet se Besniku njihej si një person tejet problematik pasi kishte krijuar konflikte me shumë persona në Laç e më gjerë.
I biri, që prej kohës që i është bërë atentati, ka qëndruar pothuajse i fshehur dhe nuk ka lëvizur në ambiente të hapura, për shkak të frikës se mund ta vrisnin. I ati, me eksperiencën e ish-policit është munduar disa herë për të shuar problemet e të birit, ka ndërhyrë tek personat me të cilët ka pasur probleme por mesa duket nuk ia ka dalë, pasi mbeti i vrarë mëngjesin e sotëm në afërsi të bizneseve të tij.
