Policia italiane ka vendosur në pranga një të ri shqiptar. Mediat e vendit fqinj, shkruajnë se 33-vjeçari është arrestuar në Prato, pasi dyshohet se ishte kreu i një bande grabitësish që operonte kryesisht në zonat e Firences, Pizës dhe Pistoias. Gjykata ka vendosur të lë të burg të riun, ndërsa disa ditë më parë në pranga kanë rënë edhe disa shqiptarë të tjerë, të cilët dyshohen se i përkisnin të njëjtit grup. Grupi në fjalë është i implikuar për të paktën 12 grabitje.
Ata shënjestronin kryesisht vilat dhe banesat ku qëndronin të moshuarit. Shqiptarët hynin në këto shtëpi përmes dritareve apo duke thyer dyert kryesore me forcë e më pas grabisnin bizhuteri ose para.
