Këngëtari Paul McCartney ka treguar së fundmi arsyet pse nuk dëshiron më të japë autografe.
Në një intervistë të fundit me “Reader’s Digest” , Paul zbuloi se nuk i pëlqen më të bëjë selfie apo të firmosë autografe për fansat, sepse i duket shumë e çuditshme, pasi të gjithë e dinë se kush është ai. Ai pohoi se është i lumtur të flasë me fansat, por nuk e kupton pse njerëzit kanë nevojë për autografin e tij."Ajo që keni zakonisht është një foto me një sfond të dobët dhe unë dukem paksa i mjerë. Le të bisedojmë, le të shkëmbejmë histori", u shpreh këngëtari. McCartney do të publikojë një libër me komente mbi tekstet e këngëve të tij muajin e ardhshëm, të redaktuar nga poeti irlandez Paul Muldoon, që përfshin edhe këngët të shkruara për “The Beatles”.
