Një 38 vjeçar shqiptar është vrarë në Frosinone të Italisë pasi sipas autoriteteve vendase ishte duke hyrë në një shtëpi për të vjedhur.
Mediat e identifikijnë atë si Arbër Xheleshi, ndërsa ngjarja e rëndë ndodhi në Santopadre.
Ngjarja e rëndë ndodhi tre ditë më parë, ku Xheleshi, baba i një fëmijë hyri në një banesë për të vjedhur por u qëllua me “shotgun” nga pronari i një biznesi duke mbetur i plagosur.
Ai u dërgua në spital menjëherë, por ka ndërruar jetë aty duke mos mundur t’u shpëtojë plagëve të marra.
Shqiptari mbeti i paidentifikuar për tre ditë, por pas marrjes së shenjave të gishtave dhe krahasimit të tyre me të dhënat në system rezultoi se bëhej fjalë pikërisht për 38-vjeçarin shqiptar.
Sipas autoriteteve, ai ishte i pastrehë dhe jetonte në zonën përreth vendit ku u qëllua për vdekje.
