Eshtrat e 37 ushtarakëve grekë në Këlcyrë janë rivarrosur. Mësohet se eshtrat i përkasin ushtarëve që kanë rënë në luftën Italo-Greke në 1940-1941. Eshtrat e tyre janë rivarrosur në varrezën ku prehen eshtrat e mbi 700 ushtarëve helenë. Ceremonia është mbajtur larg syrit të medias, ndërsa mësohet se të pranishëm në ceremoni kanë qenë edhe përfaqësuesit më të lartë të klerit ortodoks të Mitropolisë së Gjirokastrës.
Në ceremoni kanë marrë pjesë: konsulli grek të Gjirokastrës Dimitris Saharidis, sekretarja e çështjeve politike në Ambasaden greke në Tiranë, Valis Pendervanis, Prefekti i Maqedonisë Perëndimore Jorgos Kasapidis, admirali Dhimitrios Milas, si dhe oficerë të Ushtrisë Greke. Rivarrimi i eshtrave të 37 ushtarëve grekë do të pasohet nga rivarrime të eshtrave të tjera kur të ndërmerret zgjerimi i parcelës së varrezave aktuale në krahun lindor të saj pasi nuk ka mundësi për rivarrime të tjera qofshin, këto dhe murale.
