Sondazhi bombë/ Shqiptarët e kanë humbur besimin tek reforma në drejtësi
Duke u nisur nga një sondazh i fundit e Euronews që tregoi se besimi i shqiptarëve tek kjo reformë po rrënohet, Berisha u mundua të rendisë arsyet e kësaj brerjeje të besimit. Ai mori disa shembuj konkretë për mënyrën se si është bërë vettingu për disa nga 'besnikët e partisë' për të cilët janë përdorur kritere krejt të ndryshme nga gjykatësit dhe prokurorët e tjerë. Berisha u mor gjatë me rastin e Sokol Sadushit, sot në Gjykatën e lartë, dosja e vettingut të të cilit mbahet ende e fshehtë dhe nuk bëhet transparente për publikun. "Në një nga bisedat tona i thashë Bashës se skandali i vettingut të Sokol Sadushit, i cilii për më tepër nuk bëhet transparent në kundërshtim me ligjin duhet denoncuar. Po po më tha ai por kaluan shumë kohë dhe nuk e bëri. me sa duket edhe këtu e kapën peng" tha Berisha. Andi Bushati: Votat per vetingun, tradhëtia e fundit e Bashës Për hir të së vërtetës Basha ka qenë shumë i mefshtë me denoncimin e rasteve personale të drejtësisë së re. Të njëjtën gjë ai bëri edhe me rastin Dvorani që për një kohë të gjatë e konsideroi si hall të Ilir Metës dhe jo si një problem principial të shtrembrimit flagrant të reformës në drejtësi. ©Lapsi.al
