Një aksident është regjistruar ditën e sotme në Durrës.
Mësohet se 22-vjeçari B.D., ka aksidentuar 33-vjeçaren K.B., e cila ishte duke lëvizur me biçikletë.
33-vjeçarja është dërguar në spital dhe ndodhet jashtë rrezikut për jetën.
"Me datë 29.10.2021, rreth orës 15:20, në lagjen Nr.13 Durrës, mjeti tip “Smart” me drejtues shtetasin B. D., 22 vjeç, ka aksidentuar shtetasen K. B., 33 vjeçe, e cila ishte duke qarkulluar me biçikletë.
Si pasojë e përplasjes shtetasja K. B, ndodhet nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave te aksidentit", njofton policia.
