Këngëtari i njohur Adam Levine ka reaguar së fundmi ndaj videos së publikuar teksa ai ishte duke kënduar në një koncert.
Në video, këngëtari shihet duke performuar dhe papritur një fanse hyp në skenë dhe e përqafon. I gjithë momenti u filmua nga publiku, por ajo që u vu re ishte reagimi i tij i cili u duk sikur u bezdis nga prezenca e fanses dhe filloi të bërtiste. Ky veprim nuk është pritur mirë nga ndjekësit të cilët janë shprehur se Adam është njeri mosmirënjohës. Mirëpo, përmes jë videoje në llogarinë e tij në Instagram, këngëtari u shpreh se ai gjithmonë ka qenë dikush që i do, i respekton dhe i adhuron fansat e tij, sepse pa ata, artistët nuk do të kishin një punë." Thjesht kam nevojë që ju ta dini që isha vërtet i befasuar. Dhe ndonjëherë kur befasohesh…duhet të shkundësh pak trupin që të vazhdosh sepse unë po bëja punën time atje lart", deklaroi Levine.
