Një krim brenda familjes ka ndodhur në Malin e Zi ku një 50 vjeçar ka vrarë bashkëshorten, veten dhe ka lënduar me thikë dhe vajzën e tij 15 vjeçare. Një vrasje dhe vetëvrasje ka ndodhur në Petnjicë mbrëmë rreth orës 23:00, raporton rtcg.
“Dyshohet se A.SH. (50) në shtëpinë e familjes, me objekt të mprehtë i ka shkaktuar lëndime trupore bashkëshortes E.SH. (36), e cila më pas ndërroi jetë. Ai ka lënduar edhe vajzën e tij, A.SH. (15), e cili ka dëmtime të rënda trupore”, thuhet në njoftim e policisë malazeze.
Ndër të tjera policia bën me dije se 50 vjeçari është larguar nga vendi i ngjarjes, ku më pas ka kryer edhe vetëvrasje. Trupi i pajetë i tij është gjetur nga policia rreth orës 00.30.
