Mediat e huaja kanë raportuar së fundmi se Elon Musk, mund të bëhet trilioneri i parë në botë me SpaceX.
Sipas tyre ,Musk është tashmë personi më i pasur në botë me një vlerësim aktual prej 241 miliardë dollarësh.Pjesa më e madhe e pasurisë vjen nga kompania e tij e automjeteve elektrike ”Tesla”, por me rritjen e SpaceX në eksplorimin dhe turizmin e hapësirës, janë rritur mundësitë që Musk të jetë trilioneri i parë në botë. Gjithashtu edhe analisti i ”Morgan Stanley” , Adam Jones është shprehur se që nga fillimi i tij në 2002, SpaceX “ka sfiduar çdo ide të paramenduar për atë që ishte e mundur dhe afatin kohor të mundshëm, në drejtim të raketave, automjeteve të lëshimit dhe infrastrukturës.“Më shumë se një klient na ka thënë se nëse Elon Musk do të bëhej trilioneri i parë … nuk do të jetë për shkak të ‘Tesla’-s. Të tjerët kanë thënë se SpaceX përfundimisht mund të jetë kompania më e vlerësuar në botë në çdo industri”, deklaroi Jones.
