Ministrja e Shëndetësisë Ogerta Manastriliu është shprehur se Komiteti i Ekspertëve ka rekomanduar futjen në protokolle të dozës së tretë të vaksinës për koronavirusin. Para gazetarëve në Shkodër, Manastirliu bëri të ditur se Komiteti ka këshilluar jo vetëm dozën e tretë, por edhe uljen e fashës së moshës për vaksinim.
“Komisioni teknik i vaksinimit ka diskutuar dhe ka rekomanduar dozën e tretë të vaksinës, uljen e fashës së grupmoshës për vaksinim +16 vjeç dhe kanë rekomanduar vaksinimin për moshat 12 vjeç që kanë probleme shëndetësore. Këto rekomandime do të diskutohen nesër nga Komiteti Teknik i Ekspertëve", tha Manastirliu.
Një grup ekspertësh që këshillon Organizatën Botërore të Shëndetësisë për vaksinat, rekomandoi që njerëzit e moshuar dhe ata me sistem të komprometuar imunitar të marrin dozën shtesë të vaksinës kundër koronavirusit. Shumë vende të pasura, përfshirë Britaninë, Francën dhe Shtetet e Bashkuara, kanë rekomanduar tashmë dozën e tretë për të moshuarit dhe personat me probleme imunitare.
