Lapsi Video

Aplikacioni

Android iOS
Flash

Basha vazhdon t'i bjerë murit me kokë

Lapsi.al 21 October 2021
Basha vazhdon t'i bjerë murit me kokë
Lulzim Basha vazhdon të këmbëngulë me kokfortësi se regjimi mund të mposhtet me procedura. PD ka paraqitur në parlament tre projekte për ndryshimin e kushtetutës që në pamje të parë duken se janë me vend.  Çdo njeri me bonsens e kupton se ndarja territoriale, sipas të cilës rilindja e coptoi hartën e Shqipërisë vetëm për të fituar elektoralisht për vete, duhet zhbërë.  Po aq e nevojshme është, në letër, edhe reforma zgjedhore, që synon të prishë ndryshimet e njëanshme të Edi Ramës për të hequr koalicionet dhe për t'i dhënë avantazh vetes, në një garë zgjedhore të pabarabartë. Edhe pika e tretë, ajo e vettingut për ata politikanë, të cilët ulen në parlament si përfaqësues të bandave dhe mbrojtës të interesave të atyre që kanë vendosur ta shndërojnë këtë vend në një eldorado të pastrimit të parave, nuk mund të quhet një nismë e gabuar. Lexo me tej: Ndryshimi i Kushtetutës/ Çfarë synojnë propozimet e Bashës Por, pavarësisht nga këto propozime, që në vetvete kanë pak gjë për t'u sharë, serisht mbi strategjinë e opozitës një pyetje mbetet pa përgjigje... Edhe sikur të gjitha këto që kërkon PD-ja të realizohen fiks ashtu sikurse do ajo, a janë ato të mjafta për të shembur regjimin? Ndonëse për të ardhmen nuk mund të vëmë kurrë bast, historia e afërt na mëson se fatkeqësisht ato nuk do të shërbejnë pothuajse për asgjë. Dhe kjo është një rrugë që opozita e ka provuar. Ajo bëri një betejë të madhe për ligjin e dekriminalizimit. Ajo përjashtoi falë tij mbi një dyzinë deputetësh e kryebashkiakësh me të shkuar të errët. Por ama kur erdhi puna në zgjedhjet e fundit, ata u shfaqën me fytyrat e bijve, kushërijve e vasalëve për të ripushtuar vendet që iu kishin "zënë" në kuvend. Edhe pas çadrës, me marrëveshjen e majit 2017, Basha arriti t'i marrë Ramës gjysmën e qeverisë dhe një sërë drejtorish të rëndësishme publike, por ai nuk e pengoi dot vjedhjen, grabitjen dhe blerjen e votës. Edhe rasti i fundit, ai i braktisjes së slloganit “nuk ka zgjedhje me Ramën kryeministër”, për t'u ulur në reformë zgjedhore me Damian Gjiknurin dhe Rudina Hajdarin, na dëshmoi se iluzioni për t'u sjellë demokratikisht me ketë kryeministër, të nxjerr gjithmonë me bisht në shalë. Që nga 14 janari deri në 5 qershor 2020, opozita besoi se do ta garantonte votën elektronikisht dhe do ta ndalte vjedhjen përmes garancisë së ndërkombëtarëve, por edhe njëherë ajo u përplas me surrat në tokë, sepse kjo gjë është e pamundur në një sistem ku zgjedhjet i vendosin paratë e oligarkëve, televizionet e mëdha të propagandës qeveritare, bandat që negociuan me OFL-në paprekshmërinë e tyre në këmbim të pjesmarrjes në fushatë, dhe në fund SPAK-u dhe policia që shërbejnë si armë në mbështetje të partisë.        Pra, po i pe edhe ndryshimet e fundit që propozon Basha brenda pikturës së madhe të një regjimi, që as nuk e ka në plan të lëshojë pushtetin me votë, ato janë një pesë me hiç. Shumëkush mendon se edhe Basha vetë e di këtë, por ai po i tenton të gjitha këto xhade që të shpien në askund, vetëm për të lënë në hije “foltoren” e Berishës dhe rizgjimin që ajo po i bën popullit opozitar ndaj politikave të squllta që garantojnë disfatën. Duke qenë edhe vetë një nga ata që i konsideroj taktikat e Bashës vetëm manovra për të marrë vëmendje, po mëtoj për një çast të heq dorë nga ky paragjykim dhe t'i gjykoj ato ftohtësisht. A përbëjnë ato një armë më shumë për një betejë reale kundër regjimit të kleptokratëve? A ka vlerë një reformë zgjedhore, territoriale, apo përjashtimi i politikanëve të lidhur me krimin nga parlamenti, nëse opozita është e përçarë dhe rrënuar moralisht nga lufta brenda llojit? Edhe sikur të gjitha këto të bëheshin bashkë, a do t'i përballonte Basha sot një palë zgjedhje me berishistët kundër dhe i ndarë nga LSI? 

Akuzat më të forta kundër Berishës nga mbështetësit e Bashës

Këto pyetje janë nga ato që nuk kanë nevojë për përgjigje. Prandaj edhe nëse qëllimi i kreut demokrat është të shmangë projektorët nga foltorja e Berishës, kjo është një taktikë sa fëminore po aq edhe afatshkurtër. Opozita e pati të pamundur edhe kur luftoi e bashkuar dhe në një front me regjimin e Ramës e jo më tani që është e telefosur.  Pa e unifikuar atë përmes votës dhe pa e lartësuar atë moralisht përmes zgjidhjes së problemeve me rrugë demokratike, çdo lloj dredhie momentale do qe e pashpresë. Ky është edhe problemi real i ndryshimeve kushtetuese që propozon Basha. Ato janë ndoshta gjërat e duhura, por të thëna në një kohë të papërshtatshme, nga njeriu i gabuar. Nëse Basha e ëndërron realisht pushtetin, ai duhet të ndalojë t'i bjerë murit me kokë duke shpresuar se do të fitojë përmes pakteve me Ramën. Atij fillimisht i duhet një opozitë e fortë dhe radikale, e cila të zhvishet nga iluzioni se regjimi mposhtet duke organizuar tryeza.   ©Lapsi.al

Të këshilluara

Vazhdimi i revolucionit të Shën Valentinit

Konluzioni i përbashkët i të gjitha analizave, menjëherë sapo dolën shifrat e para të zgjedhjeve lokale në Kosovë, ishte rezultati shumë më i ulët që mori Vetëv...

07:34

Ku do ndalet Berisha?

Kryqëzata e Sali Berishës përgjatë qyteteve të Shqipërisë, po i shton atij mbështetjen e militantëve në të njëjtën masë që po pakëson partizanët e Bashës nga ra...

20:38

Pse doli Rama në krah të Albinit

Edi Rama ka zhvilluar vizitën e tij më normale në Kosovë. Shfaqja e tij në krah të Albin Kurtit, pas takimit të përbashkët të dy delegacioneve, ishte një nga at...

14:35

ide

Një prerje në besë e Shqipërisë së re

Rama ose se ka kuptuar revolucionin e Flamingove, ose e po manipulon me thelbin e tij. Të përpiqesh ta vizatosh atë si një reagim që u provokua nga sukseset që rritën pritshmërinë gjatë epokës së rilindjes do të thotë ta presësh atë në besë

13:42 Andi Bushati

Reforma territoriale dhe profecia e romakut Tacitus

Sipas informacioneve të dala, ajo synon rishikimin e hartës aktuale me 61 bashki, duke shkrirë 10 deri në 14 bashki të vogla, me qëllim që numri i tyre, për zgjedhjet vendore të vitit 2027, të mos jetë më tepër se 50 bashk

11:29 Ferdinand Dervishi

MOTI TIRANA

30°c

KËMBIMI EURO

93.72

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI