"Easy On Me", video e fundit e Adele, e cila çdo ditë e më tepër vazhdon regjistron mijëra klikime, ka rënë në sy edhe për një detaj shumë të rëndësishëm që po dominon vjeshtën: lëkurën.
Gjithçka që u pa në mes të një dhome të çrregullt, e vendosur paralel me ndjesinë e dhimbjes, mund të jetë torturuese, por të gjithë ju e keni parë sa bukur dukej Adele në "Easy On Me".
Palltoja e saj prej lëkure të pastër në videon shoqëruese bardh e zi është obsesioni ynë i ri i modës së vjeshtës. E krijuar enkas nga Lanvin, Adele e kombinoi pallton me shkëlqim me një golf portokalli dhe pantallona me bel të lartë ngjyrë kafe – edhe këto të krijuara nga drejtori kreativ i Lanvin, Bruno Sialelli.
E ulur, por edhe në këmbë duke kënduar, ndërsa era luan me flokët e saj para dhe mbrapa, Adele dukej e mrekullueshme nga të gjitha këndet. Edhe për aksesorët mendoi me shumë kujdes - një unazë agati nga ‘Lanvin’, një gjerdan agati, gjithçka ishte zgjedhur enkas për të kombinuar pallton prej lëkure.
Ah, çmimi? Po, veshja, me shumë mundësi shkon nga 3 mijë deri në 4 mijë dollarë, kështu që ëndrrat tona për të rikrijuar vetë një pamje të tillë do të duhet të pezullohen.
Megjithatë, ajo që mund të bëjmë është të admirojmë veshjen e Adele, frymëzuar nga vjeshta. Kaq!
