Një ngjarje rëndë është parandaluar pasditen e sotme në Lezhë. Dy vëllezër A. K. dhe E. K. kanë rrahur vjehrrin e motrës dhe më pas kanë tentuar të marrin armët e zjarrit në banesën e babait të tyre për të qëlluar ndaj tij. Fqinjët kanë njoftuar policinë, e cila ka mbërritur në banesë ku kanë konstatuar dy të rinjtë e moshave 27 dhe 29 vjeç duke dhunuar 53-vjeçarin. Në banesë policia ka gjetur një armë zjarri automatik me fishek në fole dhe 90 fishekë.
Në pranga bashkë me dy vëllezërit është vënë edhe babai i tyre i cili tashmë do të hetohet për armëmbajtje pa leje ndërsa ndaj dy të rinjve rëndon akuza për dhunë në familje.
