Këngëtarja e njohur Jessie J ka folur së fundmi rreth albumit të saj më të ri .
Në një intervistë për “Capital FM” në Mbretërinë e Bashkuar, ajo zbuloi se albumi do të përmbajë një këngë ndarjeje shumë personale. Edhe pse këngëtarja nuk përmendi ndonjë emër, fansat kanë nisur të aludojnë se kënga flet për ndarjen e saj nga ish-partneri Channing Tatum. Jessie u lidh për herë të parë me Channing në tetor të vitit 2018 kur ata u panë së bashku në Seattle të Shteteve të Bashkuara të Amerikës. Çifti thuhet se u ndanë në muajin nëntor të vitit 2019 dhe u ribashkuan në janar të 2020-ës. Megjithatë, marrëdhënia e tyre ishte e shkurtër dhe ata u ndanë përfundimisht në muajin prill.Më pas këngëtarja nisi një lidhje të re me balerinin Max Pham Nguyen ndërsa aktori është përfolur për një romancë dashurie me aktoren Zoë Kravitz.
