Një ndër reperët më të njohur, gjithashtu ish i dashuri i miliarderes Kylie Jenner është Tyga, i cili gjithmonë përfshihet në skandale të ndryshme por këtë herë është më rëndë. Ai është akuzuar për dhunë, kjo akuzë ka ardhur nga ish e dashura e tij, modelja Camaryn Swanson. Sipas TMZ, ish-i i tij ka shkuar në shtëpinë e reperit në orët e para të mëngjesit duke i bërtitur pasi ka qenë në gjendje të dehur. Sipas burimeve për PageSix, ajo ka shkuar aty kundër dëshirës së reperit, por pasi ai ka parë gjendjen e saj e ka lënë të hyjë brenda.
Modelja ka treguar për policinë se pasi hyri në shtëpi Tyga ka ushtruar dhunë mbi të dhe ajo u largua menjëherë nga aty pas ardhjes së nënëns së saj. Akuza është bërë nga Camaryn dhe duket se reperi e ka pranuar fajin dhe është arrestuar për dhunë, por më pas është lënë i lirë pasi ka paguar 50,000 dollarë. Kjo ka ardhur pasi vajza ka postuar disa foto në Instagram ku shfaqej me shenja në trup dhe fytyrë si dhe disa mesazhe në të cilat dukej qartazi që ka qenë reperi ai që ka dërguar makinën për ta marrë. Data e ndarjes së tyre nuk është bërë publike, por kujtojmë se dyshja e ka bërë lidhjen e tyre zyrtare nëpërmjet postimeve në Instagram në pranverë e deri në korrik, ku gjatë kësaj kohe ajo është shfaqur me një unazë të madhe në dorën e majtë.
