Dy shtetas shqiptarë jane shpallur ne kerkim nderkombetar nga Policia e Malit te Zi pasi dyshohen si persona qe kane kryer nje vrasje me 4 korrik te ketij viti ne Ulqin. Vincenc Pirolli 34 vjeç dhe Dorjan Lala 35 vjeç jane te dyshuarit kryesor te vrasjes se shtetasit Malazez nga Ulqini Momçillo Gjurishić ( Momčilo Djurišić). Nga provat e mbledhura dhe të dokumentuara, policia e Malit të Zi akuzon dy shqiptarët si autor të vrasjes, të cilat janë arratisur dhe janë shpallur në kërkim. Shefi i Sektorit kundër kriminalitet dhe korrupsionit Aleksandar Boshkoviç tha se pista kryesore e hetimit është ajo e gjakmarrjes.
Gjakmarrja lidhet me një vrasje në 2017, ku djali i 68-vjeçarit Momçillo Gjurishiç, Savo Gjurishiç ka vrarë me arme zjarri 53-vjeçarin Beqë Likaj 53 vjeç. Për këtë arsye dy shqiptarët në kërkim janë futur ilegalisht në Malin e Zi dhe kanë vrarë 68-vjeçarin në lokalin e tij në Ulqin. Dy të rinjtë mendohet të jenë në Shqipëri, pasi ata janë futur ilegalisht në Malin e Zi ditën e vrasjes dhe më pas janë larguar përmes pikës kufitare Sukobine-Muriqan.
