Ishdrejtoresha e ‘Planned Parenthood’ Abby Johnson ka reaguar ndaj deklaratës së këngëtares,Billie Eilish.
Gjatë koncertit të saj Billie denoncoi ligjin e abortit të vendosur në Teksas. "Kur ata e bënë atë ligj, unë pothuajse nuk doja të bëja shfaqjen fare. Sepse doja ta ndëshkoja këtë vend për lejimin që kjo gjë të ndodhte këtu. Por më vonë kujtova që ju nuk keni lidhje dhe se ju meritoni gjithçka në botë. Dhe ne duhet t’u themi atyre. Trupi im, zgjedhja ime! ", deklaroi këngëtarja. Mirëpo kjo deklaratë e saj revoltoi Johnson, që drejton grupin “And Then There Were None”, e cila u përgjigj të premten duke thënë se:“Nëse ka një rrahje zemre dhe ADN të veçantë në trupin tuaj, nuk është më trupi juaj!”. Ligji, i cili hyri në fuqi muajin e kaluar, ka shkaktuar reagime të ashpra nga të famshëm dhe thirrje për bojkot.
