Babë e bir janë plagosur ditën e sotme në qytetin e Vlorës. Policia raporton se kanë qënë tre persona që janë futur në banesën e tyre në fshatin Mavrovë të Selenicës për të grabitur. Në afërsi të stanit hajdutët janë parë nga babai dhe djali të cilët i kanë dalë përpara. Kjo ka sjellë përplasje mes personave duke lënë të plagosur me thikë babë e bir. Këta të fundit janë paraqitur në orën 04:55 në spitalin e Vlorës, ndërsa mësohet se janë jashtë rrezikut për jetën.
Policia ka zbuluar se pranë zonës ishin të kultivuara 180 bimë narkotike, të cilat janë asgjesuar me anë të djegies. Dyshohet se bimët narkotike janë kultivuar nga personat e plagosur, të cilëve gjatë kontrollit të banesës ju janë gjetur dhe sekuestruar 2 armë zjarri.
