Bebe Rexha, është e njohur për këngët e saj, të cilat kanë miliona shikime në YouTube dhe platforma të tjera muzikore.
32-vjeçarja ka pasur rastin që në sajë të karrierës së saj të suksesshme, të bëjë bashkëpunim me emra të njohur nga mbarë bota. Së fundmi, ajo ka pasur rastin që për herë të parë të bashkëpunojë me personazhin e njohur për fëmijë, Elmo.
Ajo ka realizuar një këngë fëmijësh me personazhin e kukullave për fëmijë, për të motivuar njerëzit që të zgjohen nga gjumi. Artistja me prejardhje shqiptare ndau me 10.7 milionë ndjekësit e saj në Instagram një video, ku tregonte këtë këngë të shkurtër dhe shumë të lezetshme.
