Dy psikologë-specialistë të burgut të Reçit janë arrestuar nga Shërbimi i Brendshëm i Burgjeve, disa ditë pasi u pezulluan nga detyra. Të arrestuarit janë Mario Laloshi dhe Arlando Hoxha të dy punonjës pranë IEVP Reç në Shkodër. Arrestimi i këtyre dy personave është bërë pas një denoncimi në emisionin Stop, ku bashkëshortja e Martin Tushes, i cili vuan dënimin në Reç i akuzoi për korrupsion. Mario Latoshi dhe Arnaldo Hoxha kanë kërkuar para nga Tushe në këmbim të disa shërbimeve.
Pas publikimit të videos, ministri i Drejtësisë Ulsi Manja firmosi urdhrin për pezullimin e të dy punonjësve nga detyra dhe fillimin e hetimit administrativ ndaj tyre ndërsa ditën e sotme është njoftuar arrestimi i tyre.
